Is é Fitzpatrick Associates an phríomhchuideachta shainchomhairle neamhspleách eacnamaíochta de chuid na hÉireann. Tá baint ag roinnt de na hábhair speisialtóireachta a mbíonn an gnólacht ag gabháil dóibh le limistéir Ghaeltachta. Ina measc sin tá forbairt réigiúnach agus forbairt áitiúil, acmhainní nádúrtha agus turasóireacht. Chomh maith le sin, bhí an gnólacht páirteach i dtionscadail a bhain le hoidhreacht chultúrtha agus forbairt tuaithe lasmuigh de limistéir Ghaeltachta - tionscadail a raibh mar aidhm acu an Ghaeilge a fhorbairt mar theanga bheo. Tá réimse leathan staidéar déanta ag an ngnólacht maidir le ceisteanna a bhaineann le forbairt Ghaeltachta, go díreach agus go neamhdhíreach.

• measúnuithe, thar ceann Údarás na Gaeltachta, ar thionchar Thionscnaimh an Chomhphobail Eorpaigh (EUROFORM, EMPLOYMENT agus ADAPT) i limistéir Ghaeltachta;

• plean gnó a ullmhú d’Aerfort Dhún na nGall i gCarraig Fhinn; ullmhaíodh an plean thar ceann Chuideachta Aerfort Dhún na nGall;

• measúnú, thar ceann na Roinne Fiontar, Trádála agus Fostaíochta, ar Fho-Chlár na Gaeltachta den Chlár Oibríochta le haghaidh Tionscail 1994-99;

• plean forbartha straitéisí a ullmhú don earnáil bia mara; ullmhaíodh an plean thar ceann an Bhoird Iascaigh Mhara mar ionchur don Phlean Forbartha Náisiúnta 2000-2006;

• maoirseacht agus measúnú a dhéanamh ar Thionscnamh de chuid na Roinne Turasóireachta, Spóirt agus Áineasa dar teideal "Turasóireacht agus an Timpeallacht"; áiríodh san obair sin tionscadail i nGaeltacht Chonamara, ar Oileáin Árann agus ar Oileán Thoraí;

• páirteachas sa mheasúnú seachtrach leanúnach ar Chlár LEADER II na hEorpa 1994-1999; áiríodh san obair sin LEADER II a chur i bhfeidhm i limistéir Ghaeltachta;

• obair i gcomhar le gnólachtaí clos-amhairc agus bogearraí atá bunaithe sa Ghaeltacht d’fhonn a riachtanais a shainaithint agus cláir oiliúna a fhorbairt chun freastal ar na riachtanais sin (TRESP).